hotelkef

Vöfflukaffi á Vatnsnesi sló í gegn á þjóðhátíðardaginn

Thu, 18 Jun 2026 20:53:11 GMT

Vel á annað hundrað gestir mættu þegar KEF Café flutti tímabundið í Vatnsneshúsið

Það var líf og fjör á Vatnsnesi á þjóðhátíðardaginn þegar við hjá KEF Café ákváðum að færa kaffihúsið okkar tímabundið úr Hótel Keflavík og yfir í hið fallega Vatnsneshús og bjóða upp á vöfflukaffi í tilefni dagsins.

Við vissum ekki alveg hverju við áttum von á, enda var þetta í fyrsta sinn sem við prófuðum að halda slíkan viðburð á Vatnsnesi. Viðbrögðin fóru hins vegar fram úr okkar björtustu vonum því vel á annað hundrað manns mættu til okkar á milli klukkan 12 og 17 til að njóta vöfflna, kaffis og góðrar samveru.

Það sem gladdi okkur kannski mest var að sjá hversu margir komu sérstaklega til að skoða Vatnsneshúsið eftir endurbæturnar. Margir stoppuðu lengi, skoðuðu húsið, spjölluðu saman og nutu þeirrar einstöku stemningar sem skapast þegar saga, menning og samfélag mætast á einum stað.

Steinþór Jónsson og Hildur Sigurðardóttir, eigendur Hótel Keflavíkur, tóku sjálf á móti gestum yfir daginn og var ánægjulegt að sjá fólk á öllum aldri fylla húsið af lífi og gleði á þjóðhátíðardegi Íslendinga.

KEF Café hefur fengið afar góðar viðtökur frá opnun og er kaffihúsið opið alla daga í móttöku Hótel Keflavíkur. Þar geta bæði heimamenn og ferðamenn komið við og fengið sér kaffi, léttar veitingar eða notið notalegrar stundar. Fyrir þá sem leita að kaffihúsi í Keflavík eða kaffihúsi á Reykjanesi er KEF Café orðinn vinsæll viðkomustaður, ekki síst vegna staðsetningarinnar aðeins örfáar mínútur frá Keflavíkurflugvelli.

Það er þó eitthvað sérstakt við það að geta af og til fært kaffihúsið yfir í Vatnsnes og skapað aðra upplifun í sögulegu umhverfi hússins. Viðbrögðin við vöfflukaffinu sýna að áhugi er sannarlega fyrir hendi og við vonum að þetta sé aðeins byrjunin á fleiri skemmtilegum viðburðum á Vatnsnesi á komandi árum.

Við viljum þakka öllum þeim sem komu í heimsókn, fengu sér vöfflu, skoðuðu húsið og gerðu daginn svona eftirminnilegan. Það er ljóst að Vatnsnes á sérstakan stað í hjörtum margra bæjarbúa og við hlökkum til að halda áfram að skapa þar góðar minningar.

Sjón er sögu ríkari og hér fyrir neðan má sjá myndir frá þessum frábæra degi.

KEF hjóna- og paramótinu lauk með glæsibrag

Mon, 15 Jun 2026 13:10:17 GMT

KEF Hjóna- og Paramót 2026 á Hólmsvelli – úrslit, myndir og helstu augnablik

KEF Hjóna- og Paramótið 2026 fór fram með glæsibr ag laugardaginn 6. júní þar sem alls mættu 84 keppendur til leiks í uppseldu móti á Hólmsvelli. Mótið var haldið í samstarfi Hótel Keflavík, Diamond Suites, KEF SPA & Fitness, KEF Restaurant og Golfklúbbs Suðurnesja og hefur á undanförnum árum fest sig í sessi sem einn af skemmtilegustu golfviðburðum sumarsins á Suðurnesjum.

Helgin hófst á föstudagskvöldi með fordrykk í KEF SPA & Fitness þar sem þátttakendur fengu tækifæri til að njóta samveru og skoða Vatnsneshúsið, eitt merkasta söguhús Reykjanesbæjar. Steinþór Jónsson, hótelstjóri Hótel Keflavík, flutti stutt ávarp og bauð gesti velkomna til helgarinnar.

Á laugardeginum hélt hópurinn síðan út á Hólmsvöll þar sem keppt var við frábærar aðstæður. Að leik loknum tók við glæsilegt borðhald og verðlaunaafhending þar sem þátttakendur nutu góðs félagsskapar, veitinga frá KEF Restaurant og þeirrar einstöku stemningar sem hefur einkennt mótið frá upphafi.

Það gleður okkur að sjá hversu vel KEF Hjóna- og Paramótið hefur þróast og orðið að árlegum viðburði sem margir kylfingar hlakka til að taka þátt í. Samspil golfs, vellíðunar, góðrar matargerðar og skemmtilegrar samveru skapar upplifun sem gerir helgina eftirminnilega fyrir alla sem taka þátt.

Úrslit KEF Hjóna- og Paramótsins 2026

1. sæti – 45 punktar
Svandís Þorsteinsdóttir og Sveinn Björnsson

2. sæti – 45 punktar
Edda Guðrún Pálsdóttir og Jón Jóhannsson

3. sæti – 44 punktar
Þórey Friðrikka Guðmundsdóttir og Þorkell Þór Gunnarsson

17. sæti – 40 punktar
Þóranna Andrésdóttir og Halldór Reinhardtsson

40. sæti – 29 punktar
Jónas Halldór Haralz og Gyða Haralz Jakobsdóttir

Nándarverðlaun

Baldur Þórir Júlíusson
Elínborg Sigurðardóttir
Jón Jóhannsson
Sólveig Björgvinsdóttir

Þakkir fyrir frábæra golfhelgi

Við hjá Hótel Keflavík viljum færa Golfklúbbi Suðurnesja innilegar þakkir fyrir afar farsælt samstarf við framkvæmd mótsins. Einnig viljum við þakka öllum keppendum fyrir þátttökuna, jákvæðnina og þann góða anda sem einkenndi helgina.

Samstarf Hótel Keflavíkur og Golfklúbbs Suðurnesja hefur skapað einstakan vettvang fyrir skemmtilega viðburði í Reykjanesbæ þar sem íþróttir, vellíðan, menning og samvera fara saman. Það er okkur sönn ánægja að taka þátt í að skapa slíkar upplifanir fyrir íbúa og gesti svæðisins.

Við hlökkum til að halda áfram þessu góða samstarfi á komandi árum og vonumst til að bjóða upp á enn fleiri viðburði, golfhelgar og upplifanir á Suðurnesjum. Fylgist með fréttum og golfmótum hjá Golfklúbbi Suðurnesja á www.gs.is

Fylgist með á samfélagsmiðlum og heimasíðu Hótel Keflavíkur fyrir fréttir af komandi viðburðum og upplifunum hjá Hótel Keflavík, KEF SPA & Fitness og KEF Restaurant.

Takk fyrir komuna – sjáumst að ári!

Vor á Vatnsnesi fór fram úr okkar björtustu vonum

Mon, 08 Jun 2026 14:00:25 GMT

Vor á Vatnsnesi fór fram úr okkar björtustu vonum

KEF Moët kampavínshlaupið sló í gegn

Einn af hápunktum helgarinnar var án efa KEF Moët kampavínshlaupið sem vakti mikla lukku meðal gesta og bæjarbúa. Þrátt fyrir íslenskt maíveður var stemningin ótrúleg frá upphafi til enda og þátttakendur mættu í litríkum búningum, með bros á vör og tilbúnir að njóta dagsins saman.

DJ Sakki sá um tónlistina og stemninguna við Vatnsnes og þegar rigningin lét sjá sig gerðum við einfaldlega það besta úr því — dönsuðum saman í rigningunni með bros á vör. Það voru einmitt svona augnablik sem gerðu daginn svo eftirminnilegan.

Veitt voru glæsileg verðlaun og gjafapokar upp á tugi þúsunda króna og viljum við færa sérstakar þakkir til allra þeirra fyrirtækja sem lögðu okkur lið með vinningum og stuðningi:

Nathan og Olsen, Bætiefnabúllan, Zolo & Co, Ölgerðin, Dubliner, Líkami og Boozt, Sporthúsið, GeoSilica, Blue Lagoon, Brons, Blue Car Rental, Golfklúbbur Suðurnesja, Andrea Maack, Viney, Langbest, JAD MAR, Bústoð og Snúran, Marion Herrafataverslun, Skóbúðin, Fjóla gullsmiður, Sport24, Blómabúð Mögdu, Palóma, Reykjanes Optikk, Hafnargata 15 – Gallerí, Skólamatur, Danól, LoveIceland, CeraVe, La Roche-Posay, Nicks og 7UP.

Stuðningurinn skipti gríðarlega miklu máli og hjálpaði okkur að gera upplifunina enn skemmtilegri fyrir þátttakendur.

Gleði fyrir alla fjölskylduna

Það var sérstaklega ánægjulegt að sjá hversu margar fjölskyldur mættu á hátíðina. Börnin skemmtu sér konunglega á leiksýningu Leikhópsins Lottu og fjöldi barna mætti á Vatnsnes þar sem frítt var í hoppukastala yfir helgina.

Dons Donuts gladdi svo gesti með kleinuhringjum sem slógu heldur betur í gegn hjá yngstu kynslóðinni og skapaðist einstaklega skemmtileg fjölskyldustemning á svæðinu allan daginn.

Hátíðleg vígsla Vatnsness

Einn af stærstu áföngum helgarinnar var formleg vígsla Vatnsness sem fór fram við hátíðlega athöfn í fallegri stemningu.

Steinþór Jónsson og Hildur Sigurðardóttir opnuðu húsið formlega við hátíðlega móttöku ásamt Reykjanesbæ þar sem bæjarstjórn, oddvitar stjórnmálaflokka, verktakar, iðnaðarmenn, vinir, vandamenn og KEF fjölskyldan komu saman til að fagna þessum stóra áfanga.

Lúðrasveit Reykjanesbæjar lék fyrir gesti og skapaði einstaklega hlýlega og hátíðlega stemningu á svæðinu.

Vatnsnes er hús með mikla sögu og sterkan karakter og það fyllir okkur stolti að sjá það fá nýtt líf á nýjan leik. Við erum ótrúlega spennt fyrir framtíðinni og hlökkum til að sjá húsið lifna við með menningu, tónlist, viðburðum og mannlífi sem verður bæði bænum og samfélaginu öllu til sóma.

Tónlistin sameinaði kynslóðir

Kvölddagskráin á Vori á Vatnsnesi fór sannarlega fram úr okkar væntingum og það var magnað að sjá fólk á öllum aldri safnast saman við Vatnsnes til að njóta tónlistar, stemningar og samveru í hjarta Reykjanesbæjar.

Tónleikarnir voru sérstök ferð í gegnum tónlistarsögu Keflavíkur þar sem gullöld bítlabæjarins mætti nútímanum í einstakri kvöldstund við sjávarsíðuna. Jakob Frímann Magnússon stýrði kvöldinu af miklum glæsibrag og tengdi saman tónlistina, sögurnar og menningararf bæjarins á einstaklega hlýjan og skemmtilegan hátt.

Sérstakur hápunktur kvöldsins var þegar hin goðsagnakennda hljómsveit Óðmenn kom saman á ný eftir margra ára hlé. Endurkoma sveitarinnar vakti mikla athygli enda á hún stóran sess í tónlistarsögu Keflavíkur og íslenskrar dægurtónlistar.

Með Óðmönnum komu fram sonur Péturs Östlund og einnig sonur Jóhanns G. Jóhannssonar í einstaklega tilfinningaþrungnu atriði. Jakob Frímann sagði frá því þegar Jóhann kynntist þessum „týnda syni“ sínum skömmu fyrir andlát sitt og vakti það mikla athygli að sonurinn hefur nær nákvæmlega sömu rödd og faðir hans. Það voru sannarlega sérstök augnablik þegar hann flutti lög föður síns með gömlu hljómsveitinni hans á sviðinu við Vatnsnes.

Tónlist Hljóma fékk einnig stórt hlutverk á tónleikunum og komu þar fram meðal annars Karl Hermannsson, Eggert Kristinsson, Rúnar Júlíusson, Baldur Guðmundsson og Sindri Baldursson. Með þeim á sviði var söngkonan Shady Owens sem flutti hið sígilda lag Ég elska alla og skapaði einstaka stemningu meðal gesta.

Einnig stigu á svið Sigríður Thorlacius, Sigurður Guðmundsson og Guðmundur Óskarsson úr sveitinni GÓSS sem fluttu lög Ellýjar og Vilhjálms Vilhjálmssonar við frábærar undirtektir. Þá komu einnig fram Magnús og Jóhann og rifjuðu upp tónlist sem tengist sögu bæjarins sterkum böndum.

Keflvíkingarnir Ásgeir Trausti og Valdimar Guðmundsson stigu svo á svið síðar um kvöldið og héldu áfram að magna upp stemninguna við Vatnsnes. Valdimar sló svo botninn í dagskrána áður en glæsileg flugeldasýning Björgunarsveitar Suðurnesja lýsti upp himininn og setti punktinn yfir i-ið á einstakri afmælishátíð Hótel Keflavíkur.

Þakklæti fyrir stuðninginn og fallegar kveðjur

Í tilefni af 40 ára afmæli Hótel Keflavíkur bárust okkur einnig fjölmargar fallegar afmæliskveðjur í Víkurfréttum og Morgunblaðinu sem okkur þykir afar vænt um.

Við viljum sérstaklega þakka eftirfarandi fyrirtækjum fyrir stuðninginn og hlý orð í okkar garð:

Bílasprautun Bílakjarninn, Blue Car Rental, Skólamatur, Flísabúðin, Sauna.is, Betri Bær, Nesraf, Nortek, Securitas, Danól, Mekka, Bus4U, Óskaskrín, Humarsalan, Kristall, Víkurfréttir, Jötuntak, Segna, SS, Jees Arkitektar, Garri, Ísleifur, Lagnaþjónusta Suðurnesja, SB Málun, Airport Associates, Casa, Litla Brugghúsið, Fastus, Steingrímsen járnsmiðja, Steinlausnir, Aðalstöðin, Ölgerðin, Dineout, Sporthúsið, GODO, ÓJ&K – Ísam, Prentmet Oddi og Golfklúbbur Suðurnesja.

Við kunnum virkilega að meta hlý orð og stuðning frá fólki og fyrirtækjum sem hafa verið hluti af ferðalaginu okkar í gegnum árin.

Hjartans þakkir

Við hjá Hótel Keflavík erum ótrúlega þakklát öllum þeim sem komu að hátíðinni, mættu á viðburði og fögnuðu þessum stóra áfanga með okkur.

Vor á Vatnsnesi var fyrir okkur miklu meira en afmælishátíð. Hún var áminning um hvað samfélagið okkar er einstakt og hversu mikið hægt er að skapa þegar fólk kemur saman með gleði, samstöðu og jákvæðni að leiðarljósi.

Við erum ótrúlega spennt fyrir framtíðinni og þakklát fyrir allar fallegu viðtökurnar. Það hefur verið sérstaklega gaman að heyra hversu margir vilja sjá Vor á Vatnsnesi halda áfram að þróast og verða áfram skemmtilegur hluti af menningar- og bæjarlífi Reykjanesbæjar.

Takk fyrir okkur.

Hótel Keflavík fagnaði 40 ára afmæli með tónlist, fjölskyldustemningu og einstakri bæjarhátíð í Reykjanesbæ

Dagana 15.–17. maí hélt Hótel Keflavík upp á 40 ára afmæli sitt með hátíðinni Vor á Vatnsnesi og viðtökurnar fóru sannarlega fram úr okkar björtustu vonum. Þrátt fyrir að veðurguðirnir hafi aðeins strítt okkur á köflum mættu gestir á öllum aldri til að fagna með okkur og skapa einstaka stemningu á Vatnsnesi og víðar í Reykjanesbæ.

Í tilefni af þessum stóra áfanga ákváðum við að leggja sérstaklega mikið í dagskrána þetta árið og gera extra vel við gesti hátíðarinnar. Markmiðið var að skapa helgi sem sameinaði tónlist, fjölskyldustemningu, sögu bæjarins og þann hlýleika sem hefur fylgt Hótel Keflavík í gegnum 40 ára ferðalag.

Viðtökurnar og stuðningurinn sem við fundum frá samfélaginu fóru langt fram úr okkar væntingum og við erum ótrúlega þakklát öllum þeim sem tóku þátt í að gera helgina svona sérstaka.

Sagan okkar – 40 ár af gestrisni, gæðum og upplifun á Reykjanesi

Wed, 27 May 2026 13:28:28 GMT

Sagan okkar - 40 ár af gestrisni, gæðum og upplifun á Reykjanesi

Frá litlu fjölskyldureknu hóteli árið 1986 hefur Hótel Keflavík þróast í einn þekktasta áfan gastað Reykjaness fyrir gistingu, heilsulind og veitingaupplifun.

Saga Hótel Keflavík hófst árið 1986 þegar fjölskylda með stórar hugmyndir opnaði lítið hótel í hjarta Keflavíkur. Á þeim tíma var ferðaþjónusta á Íslandi allt önnur en hún er í dag og fáir hefðu líklega trúað því að litla hótelið myndi síðar verða eitt þekktasta hótel landsins utan höfuðborgarsvæðisins.

Í dag er Hótel Keflavík vinsæll kostur fyrir bæði erlenda ferðamenn og Íslendinga sem vilja njóta góðrar gistingar á Reykjanesi. Margir velja hótelið vegna nálægðarinnar við Keflavíkurflugvöll, aðrir koma sérstaklega til að njóta heilsulindarinnar, veitingastaðsins eða fyrir veislur og aðra viðburði.

Hótelið hefur stækkað mikið á síðustu fjórum áratugum en fjölskylduandinn hefur alltaf haldist sá sami. Frá upphafi hefur áherslan verið á persónulega þjónustu og að taka vel á móti fólki. Það er einmitt það sem margir gestir nefna þegar þeir lýsa dvöl sinni hjá okkur.

Aðeins 5 mínútur frá Keflavíkurflugvelli

Ein stærsta sérstaða Hótel Keflavíkur er staðsetningin. Hótelið er aðeins um fimm mínútur frá Keflavíkurflugvelli og því einstaklega hentugt fyrir þá sem eru að lenda seint, fara snemma eða vilja þægilegan upphafs- eða endapunkt á Íslandsferðinni.

Margir vinsælir áfangastaðir eru einnig í stuttri akstursfjarlægð frá hótelinu, þar á meðal Bláa Lónið, Reykjanesviti, Gunnuhver og eldgosasvæðin á Reykjanesi. Reykjavík er svo aðeins um 40 mínútna akstur frá hótelinu.

KEF SPA & Fitness

Hótel Keflavík opnaði á síaðsta ári glæsilega heilsulind þar sem lögð er áhersla á vellíðan, fallegt umhverfi og rólega stemningu.

Í KEF SPA & Fitness geta gestir meðal annars notið heitra potta, saunu, innrauðs klefa, snjóherbergis og líkamsræktar. Einnig er þar notaleg aðstaða til slökunar og úrval af vönduðum vörum í KEF Shop þar á meðal snyrtivörur frá Blue Lagoon Science eða vörur frá 66 norður svo eitthvað sé nefnt.

Heilsulindin hefur notið mikilla vinsælda meðal þeirra sem vilja slaka á, njóta rómantískrar helgar eða gera vel við sig í spaferð á Reykjanesi með vinahópnum.

KEF Restaurant – vinsæll veitingastaður í Keflavík

KEF Restaurant hefur í gegnum árin skapað sér sterkt orðspor sem einn vinsælasti veitingastaðurinn í Keflavík og á Reykjanesi. Þar er lögð áhersla á vandaðan mat, gott hráefni, hlýlegt andrúmsloft og persónulega þjónustu.

Hvort sem gestir koma í kvöldverð, helgarbröns eða notalega stund með vinum hefur KEF Restaurant verið vinsæll kostur hjá bæði heimamönnum og ferðamönnum sem leita að góðum veitingastað nálægt Keflavíkurflugvelli.

Við hlið veiti ngastaðarins er Diamond Lounge, glæsilegur vín- og kokteilabar með notalegri stemningu og fjölbreyttu úrvali drykkja þar er einnig KEF Café þar sem boðið er upp á kaffi á staðnum eða til að taka með, bakkelsi og morgunverð í notalegu umhverfi rétt hjá Keflavíkurflugvelli.

Diamond Suites

Á efstu hæð Hótel Keflavíkur eru Diamond Suites, glæsilegar lúxussvítur sem hafa vakið athygli bæði hér heima og erlendis.

Svíturnar eru hannaðar fyrir þá sem vilja meiri ró, næði og upplifun þar sem ekkert er til sparað. Þar sameinast falleg hönnun, þægindi og persónuleg þjónusta á einstakan hátt.

Meira en bara hótel

Í dag er Hótel Keflavík orðið miklu meira en hefðbundið flugvallahótel. Hingað kemur fólk til að slaka á, njóta góðs matar, fara í heilsulind, halda fundi, fagna sérstökum tilefnum eða einfaldlega eiga notalega stund á Reykjanesi.

Við erum afar stolt af 40 ára sögu okkar og þakklát öllum þeim sem hafa verið hluti af ferðalaginu í gegnum árin. Um leið hlökkum við til framtíðarinnar og að halda áfram að þróa Hótel Keflavík með sömu gestrisni og metnaði og frá fyrsta degi.

Velkomin til okkar.

Velkomin á Hótel Keflavík.

Njóttu rétt hjá útlöndum.